Capraia
Capraia, i antikken Capraria, er ei øy og ein kommune i Italia og ein del av Dei toskanske øyane, utanfor nordvestkysten i provinsen Livorno. Ho ligg 62 km frå byen Livorno og 32 km nordvest for øya Elba. Ho ligg noko nærmare (30 km) den franske øya Korsika. Ho har vulkansk opphav og har eit areal på 19 km². Det høgaste punktet ligg 466 moh. I 2005 hadde kommunen Capraia Isola 366 innbyggjarar.
| Capraia | |
|---|---|
| |
| Geografi | |
| |
| Stad | Liguriahavet |
| Koordinatar | 43°3′N 9°51′E / 43.050°N 9.850°E |
| Øygruppe | Dei toskanske øyane
|
| Areal | 19,0 km²
|
| Høgaste punkt | Capraia (466 moh.)
|
| Administrasjon | |
| Land | Italia |
| Region Provins |
Toscana Livorno
|
| Demografi | |
| Folketal | 366 (2005) |
| Folketettleik | 19 /km² |
Øya produserer vin og har eit fiskeri for ansjos. Ho vart ein del av Genova i 1527 og det vart bygd mange festningsverk. I 1796 vart ho okkupert ei kort stund av Horatio Nelson. Delar av øya var tidlegare okkupert av ein straffekoloni for jordbruk, men vart lagt ned i 1986. Det meste av øya vart ein del av nasjonalpark. Om lag 40 km mot nord ligg øya Gorgona som òg er kjend for ansjosfiske.
Demografisk utvikling
endre
Kjelder
endre- Denne artikkelen bygger på «Capraia» frå Wikipedia på engelsk, den 4. november 2007.