Carini

Carini er ein by og ein kommune i provinsen Palermo i regionen Sicilia i Italia. Kommunen har om lag 37 000 ibuarar og dekker ei flatevidd på 76,6 km². Byen Carini ligg 21 km vestnordvest for provinshovudstaden Palermo.

Carini
by
Land	Italia
Areal	76,6 km²
Folketal	39 773 (1. januar 2023)
Carini 38.133333333333°N 13.183333333333°E / 38.133333333333; 13.183333333333
Wikimedia Commons: Carini

Næringslivet i kommunen er dominert av landbruk og industri. I seinare år har det vorte satsa på turisme.

Soge

Ved kysten er ruinar frå oldtidsbyen Hykkara, den einaste kjende busetjinga til sikanarar ved kysten. Staden vart erobra av grekarar frå Aten i 415 f.Kr. under peloponneskrigen. Byen fekk deretter ei gresktalande befolkning og gresk kultur i antikken. Ein av dei som vart fødd her var den vidkjende hetæren Lais som vart seld som slave, men sidan slo seg opp i Korint og Aten.

Ved Villagrazia har vorte avdekt katakombar frå tidleg kristen tid. Hykkara var sete for ein biskop. Ein biskop frå Hykkara deltok i 787 ved det andre konsilet i Nikea. Byen vart i år 1000 lagt øyde av muslimar og deretter bygd opp på ny. Normannarar tok makta over staden kring 1100.

Kjelder

• Denne artikkelen bygger på «Carini» frå Wikipedia på bokmål, den 26. oktober 2014.