Ceval Omar
Ceval Omar (fødd i 1993)[1] er ein norsk-somalisk modell, influensar og aktivist. Ho er ei transkvinne som aktivt kjemper mot rasisme og transfobi. Ho vert sett på som ei viktig talskvinne for melaninrike transpersonar og LHBTIQ-personar.[2] Sommaren 2020 vart ho den første trans-black-curvy-modellen avbilda i britiske Vogue.[3] Ho jobba per 2022 for det skandinaviske modellfirmaet Heartbreak Management, men var også signert hos byrå i både New York, London og Paris.[2][4][5]
| Ceval Omar | |
| Statsborgarskap | Noreg |
| Fødd | 1993 (31 år) Noreg |
| Yrke | modell, influensar |
Bakgrunn
endreCeval vaks opp i Oslo. Oppveksten hennar var røff og var korgje ein veldig positiv eller hyggeleg oppvekst, av di ho vart behandla dårleg for å vera annleis. Då ho vart eldre, laga ho seg sin eigen familie som bestod av vener frå Oslo og rundt om i verda. Ho sa: «Eg har måtte lære å akseptere meg sjølv via min 'chosen family'».[6]
Karriere
endreOmar er aktiv som modell og har omtrent 17 000 følgjarar på Instagram.[7]
Ho signerte med skandinaviske Heartbreak Management og fleire andre modellbyrå i 2018 og har sidan då delteke på mellom anna Oslo Fashion Week og Copenhagen Fashion Week. I 2021 gjorde ho mellom anna kampanjar for merka YSL Beauty, H&M, Mugler og Off-White.[6]
Ceval Omar er også ein aktivist og brenn for lhbtq-rettar, mangfald, antirasisme og kampen mot global oppvarming. Ho uttalte mellom anna dette til magasinet D2 i 2020:[8]
Eg brenn veldig for Black Lives Matter-rørsla, som jo også spreidde seg til Noreg i sommar. Det er eg glad for, for meg handler denne rørsla meir om rasisme enn om politivald – og rasisme eksisterer diverre over heile verda. Eg engasjerer meg sjølvsagd så mykje i dette fordi eg er svart sjølv, men diskriminering rammar ikkje berre svarte, men også mange andre minoritetar – både ut frå kjønn, seksuell legning og religionstilhøyrsle. Difor ville eg involvert meg like mykje i Black Lives Matter om eg hadde ei anna hudfarge.
Ho uttalte også til magasinet D2 i 2020 fleire sterke kvinner ho har som førebilete:[8]
Eg har alltid vore inspirert og motivert av sterke kvinner. Desse kvinnene inspirerer meg ufatteleg mykje med styrken og motet sitt: Klimaforkjemparen Greta Thunberg, politikaren Alexandria Ocasio-Cortez, den tidlegare supermodellen Naomi Campbell, den avdøde poeten og aktivisten Maya Angelou, den avdød songaren og pianisten Nina Simone og tidlegare presidentfrue Michelle Obama.
Ho vart i desember 2021 kåra til «årets banebrytar» av motemagasinet KK.[6]
På Costume Awards 2022 vart Ceval kåra til årets modell.[9]
17. juni slapp artisten Nils Bech og Oslo-artisten OMVR låten «Ceval» som hyller transmodellen Ceval Omar. Bech sa til Avisa Oslo sommeren 2022 at han spesielt let seg inspirera av Ceval-sitatet: «Eg vil heller leve eitt år i ljoset enn 10.000 år i skuggen». Bech skreiv på Instagram at: «Vår nye song «Ceval» er som nåtidas Pride-tog: Full av trøkk og danseglede, men også med eit ibuande mørke.»[10]
Under Trans Awareness Week 2022 la Instagram sin offisielle konto ut eit innlegg for å fremme Ceval Omar.[11]
Kjelder
endre- ↑ «Proff, oppført som Ceval Omar Omar». Henta 15. november 2022.
- ↑ 2,0 2,1 Kifle, Mylena (26. juni 2020), «Hun kjenner på både rasisme, kvinnehat og transfobi. Nå løftes svarte transpersoners rettigheter frem.», www.aftenposten.no (på norsk bokmål), henta 14. november 2022
- ↑ Einarsdóttir, Ida Elise Eide (31. august 2020), «Den norsk-somaliske transmodellen Ceval (26) skriver historie», Melk & Honning (på norsk bokmål), henta 14. november 2022
- ↑ «Heartbreak Management», www.heartbreakmanagement.com, henta 15. november 2022
- ↑ «Ceval Omar - Model», MODELS.com, henta 15. november 2022
- ↑ 6,0 6,1 6,2 Licius, Sara Flaaen (28. desember 2021), «- Det var jo ingen rundt meg som så ut som meg», kk.no (på norsk bokmål), henta 14. november 2022
- ↑ https://www.instagram.com/ceval/
- ↑ 8,0 8,1 Kaspersen, Line (24. september 2020), «Hun er den første svarte plus-size transmodellen i Vogue», www.dn.no (på norsk bokmål), henta 14. november 2022
- ↑ Claussen, Lea (8. juni 2022), «COSTUME AWARDS 2022: Dette er Årets Modell», Costume.no (på norsk bokmål), henta 14. november 2022
- ↑ Myhrer, Nicole (23. juni 2022), «Transmodellen Ceval Omar fra Oslo hylles i ny låt: – Ikon av vår tid», Avisa Oslo (på norsk bokmål), henta 14. november 2022
- ↑ «Trans Awareness Week, "The ideas of beauty never included a person like me", explains Ceval Omar.», Instagram (på engelsk), 14. november 2022, henta 15. november 2022