Christian Bjelland
Christian Bjelland (fødd 29. januar 1954) er ein norsk næringslivsleiar, kunstsamlar og tidlegare styreleiar ved Nasjonalmuseet for kunst.
| Christian Bjelland | |
| Statsborgarskap | Noreg |
| Fødd | 29. januar 1954 (70 år) |
| Yrke | kunstsamlar |
Bjelland er utdanna ved Dartmouth College (AB '76) og Harvard Business School (MBA '78). Han har hatt stillingar som styreleiar i Kværner ASE, nestleiar i styret i Den norske Bank ASE og styremedlem ved Oslo Børs. Bjelland har òg vore styreleiar ved Rogaland kunstmuseum (1990-1998), Museet for Samtidskunst (1994-2000) og vart i 2000 oppnemnd av Kulturdepartementet som leiar for interimsstyret for «Prosjekt nasjonalt kunstmuseum». Ved skipinga av Nasjonalmuseet for kunst i januar 2003 vart Bjelland oppnemnd som styreleiar, eit verv han hadde fram til oktober 2008.
Bjelland vart i 1994 utnemnd til riddar av 1. klasse av «Finlands kvite roseorden» og i 2005 utnemnd til riddar av 1. klasse av St. Olavs Orden. Same år vart han utnemnd til kommandør av «Finlands løveorden».[1] Bjelland er honorærgeneralkonsul for Finland.
Han er gift med Teresita Alvarez. Dei har to born.
Kjelder
endre- Omsett frå «Christian Bjelland (1954)», innhenta måndag 4. januar 2010, klokka 20:13.
- Fotnotar
- ↑ «Finsk orden til honorærgeneralkonsul Christian Bjelland», Finlands Ambassade, Oslo.