Christian Kastrup
Christian Ulrik Kastrup (1784–6. september 1850) var ein norsk offiser, embetsmann og stortingsmann.
| Christian Kastrup | |
| Statsborgarskap | Noreg |
| Fødd | 1784 Stavanger kommune |
| Død |
6. september 1850 (65 år) |
| Yrke | politikar |
| Språk | norsk |
Kastrup vart fødd i Stavanger, der faren hans var fut. Sjølv vart han 1808 fenrik i 1. trondhjemske infanteriregiment. Same året tok han juridisk eksamen i morsmålet. I 1811 tok han avskjed med militærtenesta. Han vart då regimentkvartermeister og auditør på Vardøhus festning. To år etter, 1813, vart han også tollkontrollør i Vardø. År 1814 tok han avskjed med desse embeta. Han vart i 1817 utnemnd til fut i Nordhordland og Voss. 1828-29 var Kastrup amtmann i Finnmark, deretter 1829-33 i Stavanger amt. Lengste tida som amtmann var han i Nordre Bergenhus, 1833-44.
Kastrup representerte Søndre Bergenhus amt på Stortinget i 1821, 1822 og 1824. I 1821 var han visesekretær i Odelstinget. Han var då medlem av elleve komitear, formann i ein og sekretær i åtte. Formann var han for komiteen om sagbruksprivilegiar. Både i 1822 og 1824 var han visesekretær i Stortinget. Han var i 1824 sekretær i komiteen om veglova og i komiteen om stiftslikninga i Bergens stift.
Kastrup døydde i Inderøy i 1850.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Christian Kastrup NSD Norsk senter for forskningsdatas politikararkiv