Claus Feyling
Claus Egil Feyling (9. desember 1916–2. mars 1989) var ein norsk politikar frå Egersund i Rogaland. Han representerte Rogaland fylke og partiet Høgre på Stortinget i tida 1977-85.
| Claus Feyling | |
| Statsborgarskap | Noreg |
| Fødd | 9. desember 1916 Egersund |
| Død | |
| Yrke | politikar, sivilingeniør, lokalhistorikar |
| Språk | norsk |
| Politisk parti | Høgre |
Feyling tok eksamen ved Oslo tekniske skole i 1943 og ingeniøreksamen ved Stockholms Tekniska Institut i 1948. Han var bygningsinstruktør i Siemens A/S 1943-45 og landmålar i Oslo kommune 1945-46. Frå 1948 til 1981 var han tilsett i Bergverksselskapet Titania A/S i Hauge i Dalane, mestedelen av tida som avdelingssjef i bygnings- og transportavdelinga.
I politikken var Feyling medlem i Sokndal kommunestyre 1968-71 og ordførar 1972-75. Han var fylkestingsmedlem for Høgre i 1976-77. Hausten 1977 vart han vald til stortingsrepresentant frå Rogaland og var medlem i Industrikomiteen. Etter attval i 1981 var han dei neste fire år medlem i Energi- og industrikomiteen.