Claus Neergaard
Claus Marius Neergaard (18. juli 1911–22. desember 1990) var ein norsk jurist og byråkrat frå Kristiansund som representerte Arbeidarpartiet på Stortinget 1961-65.
| Claus Neergaard | |
 | |
| Statsborgarskap | Noreg |
| Fødd | 18. juli 1911 Kristiansund kommune |
| Død |
22. desember 1990 (79 år) |
| Yrke | politikar, advokat |
| Språk | norsk |
| Politisk parti | Arbeidarpartiet |
Neergaard var son til ein kjøpmann. Han utdanna seg ved Oslo kommunale handelsskole og vart i 1936 cand.jur. frå universitetet. Det neste tiåret var han sakførar i heimbyen. I 1946 fekk han stillinga som kontorsjef og styrar av Husbanken sin filial for Nordmøre og Romsdal, ein jobb han hadde til 1965. Han vart då tilsett direktør i Studieselskapet for Nordmøres Næringsliv, samstundes som han tok opp att advokatpraksisen i Kristiansund.
Valperioden 1961-65 var Neergaard stortingsrepresentant frå Møre og Romsdal og for Arbeidarpartiet. Dei fire åra var han sekretær i Protokollkomiteen.