Cor Lemaire

Cornelis Johannes Lemaire (11. juni 1908–16. juni 1981), kjend som Cor Lemaire, var ein nederlandsk pianist, dirigent og komponist. Han er best kjend for sitt samarbeid med Wim Kan og Annie M.G. Schmidt.

Cor Lemaire
Fødd	11. juni 1908
Død	16. juni 1981 (73 år)
Opphav	Kongeriket Nederlanda
Instrument	piano
Verka som	dirigent, komponist, pianist
Prisar	Gouden Harp

Lemaire kom frå ein kunstnarisk familie. Foreldra hans var Jan Lemaire sr. og Anna Anken, og bror hans var skodespelaren Jan Lemaire jr..

Eurovision

Nationaal Songfestival 1956

Lemaire deltok som låtskrivar i Nationaal Songfestival 1956, den nederlandske uttakinga til Eurovision Song Contest 1956, med to bidrag; «De vogels van Holland» og «De telefoon», båe framført av Jetty Paerl. «De vogels van Holland» enda på andreplass med 1530 poeng, men sidan kvart land deltok med to bidrag kvar fekk båe vinnaren og andreplassen representere Nederland. «De telefoon» enda på sjetteplass med 438 poeng.

Eurovision Song Contest 1956

Nederland deltok i Eurovision Song Contest 1956 i Ligano i Sveits med «Voorgoed» og «De vogels von Holland», der Lemaire hadde skrive sistnemnde. Kvart land deltok med to bidrag kvar, og det er ikkje kjend kva for poengsum eller plassering dei fekk. Av di røystgjevinga aldri vart offentleggjort kunngjorde ganske enkelt ein talsperson at Sveits hadde vunne.

Kjelder

• Denne artikkelen er basert på ei omsetjing av artikkelen Cor Lemaire frå Nederlandsk Wikipedia .