David Clayton-Thomas

David Clayton-Thomas (fødd 13. september 1941 som David Henry Thomsett) er ein kanadisk musikar, songar og låtskrivar, mest kjend som solovokalist i det amerikanske bandet Blood, Sweat & Tears. Clayton-Thomas har blitt innlemma i Canadian Music Hall of Fame og i 2007 vart songen hans «Spinning Wheel» innlemma i Canadian Songwriter's Hall of Fame. I 2010 fekk Clayton-Thomas ei stjerne på Canada's Walk of Fame.

David Clayton-Thomas
Clayton-Thomas på scenen i Gulfstream Park i Hallandale i Florida
Fødd	13. september 1941 (83 år)
Fødestad	Kingston upon Thames, Surrey, England
Fødenamn	David Henry Thomsett
Opphav	Canada, USA
Aktiv	Sidan tidleg i 1960-åra
Sjanger	R&B, rock, funk, pop, jazz
Instrument	Vokal, gitar
Tilknytte artistar	Blood, Sweat & Tears
Verka som	Songar, musikar, låtskrivar, produsent
Prisar	Canadian Music Hall of Fame, Canada’s Walk of Fame

Clayton-Thomas byrja musikkarrieren sin tidleg i 1960-åra og arbeidde på klubbar i Yonge Street i Toronto. Før han flytta til New York City i 1967, var Clayton-Thomas frontmann i dei lokale banda The Shays og The Bossmen, eit av dei første rockebanda med eit element av jazz. Men den verkelege suksessen fekk han først nokre år seinare då han vart med i Blood, Sweat & Tears.

Det første albumet til Clayton-Thomas med bandet, Blood, Sweat & Tears kom ut i desember 1968 og selde ti millionar eskemplar verda over. Albumet låg sju veker på toppen av den amerikanske Billboard-lista og låg inne på lista i 109 veker. Det vann òg prisen for årets album i USA, og Grammyprisen for beste mannlege vokalist. Det inneheldt tre hitsinglar, «You've Made Me So Very Happy», «Spinning Wheel» og «And When I Die», som kvar nådde andreplassen på singellista i USA.

Med Clayton-Thomas som frontmann i bandet, fortsette BS&T med ei rekkje hitalbum, som Blood, Sweat & Tears 3 med Carole King sin «Hi-De-Ho» og Clayton-Thomas sin «Lucretia MacEvil», og Blood, Sweat & Tears 4, som inneheld nok ein Clayton-Thomas-skriven hitsingel, «Go Down Gamblin'» og «Lisa Listen to Me».

I 1972 gav Clayton-Thomas ut det første soloalbumet sitt etter BS&T, berre kalla «David Clayton Thomas». I 1973 kom det andre soloalbumet hans, Tequila Sunrise og i 1974 Harmony Junction. I 1975 kom Thomas attende som frontmann i Blood Sweat & Tears for albuma New City og More Than Ever i 1976. I 1977 gav dei ut Brand New Day, før Thomas i 1978 gav ut eit nytt soloalbum, berre kalla Clayton. I 1980 gav BS&T ut albumet Nuclear Blues med Thomas. I 2004 drog Clayton-Thomas frå New York til Toronto og skipa sitt eige ti mann store band. Sidan då har han turnert og spelt inn fleire album under sitt eige namn.

Diskografi

Album

År	Tittel	Plateselskap
1969	David Clayton-Thomas!	Decca
1972	David Clayton-Thomas	Repertoire
1972	Tequila Sunrise	Columbia
1973	Harmony Junction	RCA
1977	Clayton	ABC Music
1998	Blue Plate Special	Stony Plain
1999	Bloodlines	DCT
2001	The Christmas Album	Fontana North / Maplecore
2005	Aurora	Justin Time
2006	In Concert: A Musical Biography	Justin Time
2007	The Evergreens	Fontana North / Maplecore
2009	Spectrum
2010	Soul Ballads	Fuel
2013	A Blues for the New World	Antoinette
2015	Combo	Audio & Video Labs, Inc.
2016	Canadiana	Antoinette / Ils / Universal
2018	Mobius	Ils

Singlar

• «Walk That Walk», 3. plassen i Canada.
• «Brainwashed», 11. plassen i Canada.

Kjelder

• Denne artikkelen bygger på «David Clayton-Thomas» frå Wikipedia på engelsk, den 10. mai 2020.
  • Wikipedia på engelsk oppgav desse kjeldene:
• Clayton-Thomas, David (June 2010). Blood, Sweat and Tears. Penguin Canada. ISBN 978-0-14-317599-5
• Davis, Clive (Desember 1975). Clive: Inside the Record Business. Ballantine Books. ISBN 978-0345247605
• LeBlanc, Larry: David Clayton-Thomas (artist biography) <http://davidclaytonthomas.com/>
• Bloomfield, Michael (September 2000). If You Love These Blues: An Oral History (1st utg.). Backbeat Books. ISBN 978-0-87930-617-5.  (with CD of uniussed music)
• Brooks, Ken (February 1999). The Adventures of Mike Bloomfield og Al Kooper with Paul Butterfield og David Clayton Thomas. Agenda Ltd. ISBN 978-1-899882-90-8. 
• Kooper, Al (February 1977). Backstage Passes: Rock 'N' Roll Life in the Sixties (1st utg.). Stein & Day Pub. ISBN 978-0-8128-2171-0. 
• Kooper, Al (September 1998). Backstage Passes and Backstabbing Bastards: Memoirs of a Rock 'N' Roll Survivor (updated utg.). Billboard Books. ISBN 978-0-8230-8257-5. 
• Kooper, Al (February 2008). Backstage Passes and Backstabbing Bastards (new utg.). Hal Leonard Corporation. ISBN 978-0-87930-922-0. 

Kjelder

• Denne artikkelen bygger på «David Clayton-Thomas» frå Wikipedia på engelsk, den 10. mai 2020.
  • Wikipedia på engelsk oppgav desse kjeldene: