De Havilland DHA-3 Drover
De Havilland DHA-3 Drover var eit australsk bygd, lågvinga, tre-motors passasjerfly, konstruert og bygd av de Havilland Australia seint på 1940-talet. Flyet hadde likskapstrekk med den to-motors, britisk-bygde De Havilland DH 104 Dove.
Det vart berre bygd 20 eksemplar av denne flytypen som flaug for fyrste gong i 1948. Flyet vart nytta som passasjar- og fraktfly av dei australske selskapa Qantas og TAA. Modellen er likevel mest kjend som ambulanseflyet som Royal Flying Doctor Service of Australia brukte til eit godt stykke ut på 1960-talet.
Drover vart bygd for å erstatta de Havilland Dragon Rapide som då var i utstrekt bruk i Australia, mellom anna hos Royal Flying Doctor Service.
Spesifikasjonar
endre
Dimensjonar
endre- Lengd: 11 m
- Vengespenn: 17,38 m
- Høgd: 3 m
- Tomvekt: 1 859 kg
- Lastekapasitet: 681 kg
- Max. take-off vekt: 2 950 kg
- Max drivstoff: 408 liter
- Besetning: 1 pilot
- Passasjerar: 6–8
Ytingar
endre- Toppfart: 225 km/t
- Marsjfart: 201 km/t
- Rekkjevidd: 805 km
- Stigningsevne: 244 m/min
- Startlengd: 475 meter
- Landingslengd: 460 m.
- Motorar: 3× De Havilland Gipsy Major Mk-10 4-sylindret luftkjølt rekkjemotorar: 145 hk
Kjelder
endre- Denne artikkelen bygger på «De Havilland DHA-3 Drover» frå Wikipedia på bokmål, den 24. september 2018.