Dean Menta
Dean Menta (fødd 23. juli 1966)[1] er ein USA-amerikansk musikar og komponist.[2]
| Dean Menta | |||
| Fødd | 23. juli 1966 (58 år) | ||
|---|---|---|---|
| Opphav | USA | ||
| Aktiv | Sidan 1995 | ||
| Sjanger | Alternativ metal | ||
| Instrument | Gitarist | ||
| Tilknytte artistar | DUH, Faith No More, Sparks | ||
| Verka som | Musikar | ||
I 1995 vart Dean Menta involvert i bandet DUH og var med på det andre albumet deira The Unholy Handjob. Menta vart så gitarist for rockebandet Faith No More frå 1995 til 1996. Han hadde vore keyboard-teknikar for bandet og hadde først møtt dei i 1991, edan han arbeidde i eit kunstgalleri i San Francisco.[1] Menta vart henta inn for å spele gitar etter at Trey Spruance nekta å turnere for albumet King for a Day... Fool for a Lifetime. Han er med i vidoeane for «Digging the Grave», «Ricochet» og «Evidence».[3] Han vart erstatta som Faith No More-gitarist av Jon Hudson.
Etter han slutta i Faith No More, har Menta spelt med Sparks. Han medverka på følgjande Sparksk-album: Plagiarism (1997), Lil' Beethoven (2002), Hello Young Lovers (2006), Exotic Creatures of the Deep (2008), The Seduction of Ingmar Bergman (2009) og Hippopotamus (2017).
Menta arbeidar i dag hovudsakleg i fjernsyn og film som musikkredaktør, komponist og lyddesigner.[4] Menta har òg komponert musikk for fleire videospel,[5] mellom anna Jak X: Combat Racing, i samarbeid med Billy Howerdel frå A Perfect Circle.
Kjelder
endre- Denne artikkelen bygger på «Dean Menta» frå Wikipedia på engelsk, den 29. april 2022.
- Wikipedia på engelsk oppgav desse kjeldene:
- ↑ 1,0 1,1 «Dean Menta».
- ↑ «THE NATIONAL ACADEMY OF TELEVISION ARTS & SCIENCES ANNOUNCES THE 41st ANNUAL DAYTIME EMMY® AWARD NOMINATIONS - The Emmy Awards - The National Academy of Television Arts & Sciences». emmyonline.com. Arkivert frå originalen 3. juli 2017. Henta 10. juni 2017.
- ↑ Pete, Crigler (April 2016). «Perfect Sound Forever: Dean Menta». Perfect Sound Forever. Henta 8. august 2017.
- ↑ Dean Menta ved The Internet Movie Database (IMDb)
- ↑ «Dean Menta Video Game Credits and Biography - MobyGames». MobyGames. Henta 10. juni 2017.