Den sovjetiske forfattarforeininga
Den sovjetiske forfattarforeininga var eit foreining for profesjonelle forfattarar i Sovjetunionen[1] som eksisterte frå 1934 til 1991.
| Den sovjetiske forfattarforeininga | |||
| Andre namn | russisk Союз писателей СССР, romanisert Sojuz Sovetstikh Pisatelej | ||
|---|---|---|---|
| Skipa | 1934 | ||
| Leiar | Maksim Gorkij, Aleksej Nikolajevitsj Tolstoj, Aleksandr Fadejev, Nikolaj Tikhonov, Aleksandr Fadejev, Alexey Surkov, Konstantin Fedin, Georgy Markov, Vladimir Karpov, Timur Pulatov | ||
| Oppløyst | 1991 | ||
Historie
endreForeininga blei skipa ved forfattarkongressen i Moskva i 1935, som også hadde internasjonale gjestar. Frå Noreg deltok Nordahl Grieg og Inger Hagerup, frå Danmark Martin Andersen Nexø og frå Sverige blant anna Harry og Moa Martinson. Grunnlegginga skhedde på initiativ av sentralkommitéen i Kommunistpartiet etter at fleire forfattarlag var blitt oppløyste: RAPP, Proletkult, VOAPP og musikarorganisasjonen RAPM.
Forfattarforeininga hadde som føremål å oppnå parti- og statskontroll over litteraturen. Medlemskap i han blei obligatorisk for profesjonelle forfattarar, medan ikkje-medlemmar hadde særs avgrensa moglegheitar for publisering. Dermed innebar utestenging frå foreininga i prinsippet eit publiseringsforbid. Trass i dette såg foreininga gjennom historia fleire døme på at forfattarar frivillig gjekk ut av han. Til dømes forlet Vasilij Aksenov, Semjon Lipkin og Inna Lisnianskaja forfattarforeininga i solidaritet etter at Viktor Jerofejev og Jevgenij Popov var blitt utestengde som straff for sjølvpublisering i samband med den såkalla Metropolskandalen i 1979.
Efter oppløysinga av Sovjetunionen i 1991 blei foreininga delt opp i separate foreiningar for kvar av dei postsovjetiske statane.
Leiarar
endre- Maksim Gorkij (1934-1936)
- Vladimir Stavskij (1936-1938)
- Aleksandr Fadejev (1938-1944) og (1946-1954)
- Nikolai Tikhonov (1944-1946)
- Aleksej Surkov (1954-1959)
- Konstantin Fedin (1959-1977)
- Georgij Markov (1977-1986)
- Vladimir Karpov (1986-1991)
Sjå òg
endreKjelder
endre- ↑ Garrard, John; Carol Garrard (1990). Inside the Soviet Writers' Union. London: Tauris. s. xv. ISBN 9781850432609.
- Denne artikkelen bygger på «Sovjetiska författarunionen» frå Wikipedia på svensk, den 23. september 2021.
- Wikipedia på svensk oppgav desse kjeldene: Engelsk Wikipedia