Edvald Boasson Hagen

Edvald Boasson Hagen (fødd 17. mai 1987) er ein norsk syklist frå Rudsbygd i Lillehammer som syklar for det sørafrikanske prokontinentallaget MTN-Qhubeka. Han sykla tidlegare for det britiske laget Team Sky i fem sesongar frå 2010 til 2014, og det amerikanske laget HTC-Highroad i to sesongar frå 2008 til 2009. Han har utmerka seg med ei rekkje topp-plasseringar, mellom anna med ei sølvmedalje frå verdsmeisterskapen i landevegssykling i 2012. Boasson Hagen blir rekna som ein «allrounder», men er særleg sterk som temporyttar og sprintar. Han er òg ein god brusteinsryttar, og er i tillegg kjend for sine kvalitetar som brotryttar.

Edvald Boasson Hagen

Syklist
Namn	Edvald Boasson Hagen
Kallenamn	Eddie the Boss
Fødd	17. mai 1987 (37 år)
Fødestad	Rudsbygd (Lillehammer)
Høgd	181 cm
Vekt	73 kg
Laginformasjon
Lag	MTN-Qhubeka
Disiplin	Landevegssykling
Rolle	Ryttar
Ryttartype	Temporytter Sprintar Allroundar
Profesjonelle lag
2008–2009 2010–2014 2015–	Team Columbia Team Sky MTN-Qhubeka
Meritter
Verdsmeisterskapen i landevegssykling: Sølv, landevegsritt, 2012 Bronse, lagtempo, 2013 Giro d'Italia: 1 etappesiger, 2009 Tour de France: 2 etappesigrar, 2011 Noregsmeister i temporitt: 2007, 2008, 2009, 2010, 2011, 2013 Noregsmeister i landevegsritt: 2012 Eneco Tour: 2009 og 2011 Tour of Britain: 2009 Gent–Wevelgem: 2009 Vattenfall Cyclassics: 2011 GP Ouest-France: 2012 Tour of Norway: 2012 og 2013

På ein pressekonferanse 27. august 2014 vart det kunngjort at Edvald Boasson Hagen hadde inngått ein toårskontrakt med MTN-Qhubeka. Boasson Hagen kjem dermed til å sykle for det sørafrikanske laget i 2015 og 2016, der han er tiltenkt ei kapteinsrolle i laget.

Karriere

Amatørkarriera

I 2005 vann Boasson Hagen den siste etappa i Fredsrittet. Han sykla ford et norske sykkellaget Team Maxbo Bianchi i 2006 og 2007. I 2006 vann han åtte sykkelritt, deriblant tre etappar i Tour de l'Avenir (også kalla «ungdommens Tour de France») i Frankrike. Under verdsmeisterskapen i landevegssykling i Salzburg same år, deltok han som den yngste ryttaren i U23-temporittet, der han sykla inn til ein sterk femteplass. I landevegsrittet i samme meisterskap blei han nummer ni.

I 2007 vann han heile 15 ritt, både etappe- og samanlagtsigrar. I tillegg blei han mellom anna norsk meister i temposykling. Same år skreiv han kontrakt med (dåverande) T-Mobile (seinare Team Columbia / HTC Highroad).

Proffdebut

Edvald Boasson Hagen i Team Columbia si lagdrakt under Gent-Wevelgem i 2009.

Sesongen 2008 vart innleia med femteplass på prologen i Tour of California. I mars følgde han opp med si fyrste proffsiger på tempoetappen (8,3 km) i Critérium International. Den første ProTour-sigeren hans kom 26. august 2008 på den 6. etappen av Eneco Tour. Nokre veker seinare vann han også tre etappar i Tour of Britain.

2009-sesongen

Framgangen fortsette i 2009. 8. april vann han semi-klassikaren Gent-Wevelgem. Han debuterte i Grand Tour-samanheng i mai 2009 i Giro d'Italia, der laget hans vann den innleiande lagtempoetappen. Den 15. mai vann han den 7. etappen, i tillegg til at han blei nummer to på den sjette og åttande etappen, og nummer tre på den siste tempoetappen. I august kjempa han lenge i toppen under Polen rundt. Han tok to etappesigrar, og enda til slutt på tredjeplass samanlagd. Ti dagar seinare var det Eneco Tour. Her vann han to etappar, var på pallen på ytterlegare fire av dei åtte etappane, og tok samanlagdsigeren med klar margin. Under Tour of Britain vann han fire etappar på rad og tok samanlagdsigeren.

Edvald Boasson Hagen hamna på sjetteplass på UCI-rankinga for 2009.

Kjelder

• http://www.procyclingstats.com/rider/Edvald_Boasson_Hagen

Referansar

Bakgrunnsstoff

• Edvald.no - Offisiell heimeside frå støtteapparatet Arkivert 2012-03-01 ved Wayback Machine.
• Profil på Cyclingwebsite.net Arkivert 2008-10-11 ved Wayback Machine.
• Cruising into the ProTour, Norwegian style - intervju i cyclingnews.com, august 2007
  Denne idrettsartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.