Bye
(Omdirigert frå El)
Ei bye eller bøye (frå nederlandsk bui)[1] er den nedbøren som kjem frå ei byesky (cumulonimbus). Det kan også koma lette byer frå ei stor haugsky. Byeskya har vassrett grunnflate og veks kraftig oppover med flisa eller trevla topp. Ho veks ofte utover i toppen som ein ambolt.
Byeskya gjev altså regnbyer, snøbyer og haglbyer. Kvar bye varer berre ei stutt tid, og so vert det opplett att.
Når det er regnbyer eller snø/haglbyer er det også ofte vindkast eller vindvariasjonar. Byeskyer kan òg laga torevêr.
Kjelder endre
- ↑ «bye» i Nynorskordboka.
