Ester Peony
Ester Alexandra Crețu (fødd 21. juli 1993), kjend under artistnamnet Ester Peony, er ein rumensk-kanadisk songar, komponist og låtskrivar. Namnet Peony kjem frå namnet til mora Bujorica; bujor er rumensk for 'peon'. Ester ynskte at artistnamnet hennar skulle ha eit samband med mora, for å ikkje føle seg så langt unna henne.[1][2]
| Ester Peony | |||
 | |||
| Fødd | 21. juli 1993 (31 år) | ||
|---|---|---|---|
| Fødestad | Câmpulung | ||
| Alias | Ester Peony | ||
| Opphav | Romania | ||
| Aktiv | 2014– | ||
| Sjanger | pop | ||
| Plateselskap | Cat Music | ||
| Verka som | songar | ||
Peony representerte Romania i Eurovision Song Contest 2019 med songen «On a Sunday» etter at ho vann den nasjonale finalen Selecția Națională på TVR 17. februar 2019.[3][4]
Bakgrunn
endrePeony vart fødd i Câmpulung i Romania. I 2001 flytta ho frå Romania til Montréal i Canada saman med foreldra.
Karriere
endreI 2014 starta Peony med å leggja ut sine eigne coverversjonar på YouTube-kanalen sin Ester Peony.[5] Videoane vart godt mottekne. Den fyrste videoen hennes var ein coverversjon av «Dernière danse» av Indila, som per april 2019 hadde vorte vist nesten 2 millionar gonger. Videoen som på same tidspunkt hadde flest visingar på YouTube var ein coverversjon av «Ego» av Willy Williams, som var vorten vist 3,9 millionar gonger. Seinare i 2014 gav Peony ut singelen «Cuminte de Cranciun» (norsk 'Farvel til jula'). Dette er ein rumensk hiphop/rap-låt som vert framført av Ester Peony og fem andre rumenske artistar: Vescan, Puya, Mahai, Doddy og Ana Baniciu. I 2015 samarbeidde Ester og Vescan på ny, og samarbeidet førte til utgjevinga av songen «Sub Aripa Ta», som vart ein stor hit i Romania.
I 2019 vann Peony den nasjonale finalen Selecția Națională, den rumenske uttakinga til Eurovision Song Contest, med songen «On a Sunday». Peony deltok i den andre semifinalen i Eurovision Song Contest i Tel Aviv torsdag 16. mai 2019. Peony vart ikkje blant dei ti beste i semifinalen og kvalifiserte seg dimed ikkje til finalen.[6]
Diskografi
endreEP-ar
endre| Tittel | Detaljar |
|---|---|
| Dig It |
|
Singlar
endre| Tittel | Dato | År | Album |
|---|---|---|---|
| «Cuminte de Craciun»
(Med Ana Baniciu, Puya, Mahia, Doddy og Vescan) |
6. desember | 2014 | N/A |
| «Sub Aripa Ta»
(Med Vescan) |
16. mars | 2015 | |
| «Oameni»
(Med Vescan, Alan og Kepa) |
18. mars | ||
| «Iubire» | 15. april | ||
| «Leyla» | 16. juli | ||
| «1000 de Motive» | 26. mai | 2016 | |
| «Dig It» | 12. mai | 2017 | Dig it |
| «So Fine» | |||
| «Leaving Tomorrow» | |||
| «On My Way» | |||
| «On a Sunday» | 20. desember | 2018 | N/A |
| «Daca Sa Fi»
(Med DiezZ) |
22. februar | 2019 | |
| «On a Sunday»
(Ny versjon) |
10. mars | 2019 |
Referansar
endre- ↑ «Ester Peony: 10 facts about Romania's Eurovision 2019 singer» (på engelsk). 23. april 2019. Henta 28. april 2019.
- ↑ «Care este povestea din spatele numelui de scenă al lui Ester Peony, câstigătoarea Eurovision România 2019» (på rumensk). 7. mars 2019. Henta 28. april 2019.
- ↑ Herbert, Emily (17. februar 2019). «Romania: Ester Peony Selected for Eurovision Song Contest 2019». Eurovoix.
- ↑ Caselini, Stefano (17. februar 2019). «Romania: Ester Peony wins Selecția Națională 2019!». ESCToday.
- ↑ «Ester Peony» (på norsk bokmål). Henta 28. april 2019.
- ↑ «Second Semi-Final: Last 10 acts qualify for Eurovision 2019 Grand Final». EBU. 16. mai 2019. Henta 17. mai 2019.
- ↑ «Dig It - EP». iTunes. Henta 17. februar 2019.
- Denne artikkelen bygger på «Ester Peony» frå Wikipedia på bokmål, den 21. november 2021.