Fermi-paradokset

Fermi-paradokset er eit paradoks som går ut på at ein ikkje har sett spor av vesen frå andre klodar i Mjølkevegen, trass i at galaksen inneheld over 200 milliardar stjerner, og at kanskje 20 milliardar av dei har planetsystem. I tillegg er sola ei relativt ung stjerne, og det finst milliardar av stjerner i galaksen som er milliardar av år eldre.

Ei grafisk framstilling av Arecibo-meldinga – mennesket sitt første forsøk på å bruke radiobølgjer til å aktivt kommunisere med utanomjordiske sivilisasjonar.

Fysikaren Enrico Fermi meinte i følgje denne tankegangen at jorda burde alt ha blitt vitja, men Fermi fann ikkje overtydande bevis på dette, eller teikn på intelligens andre stader i galaksen. Fermi spurte derfor, «Kvar er dei?»

Kjelder

• «Fermis Paradoks», Store norske leksikon, 14. februar 2009, henta 26. mai 2016