Finn T. Isaksen
Finn Trond Isaksen (26. april 1924–29. september 1987), fødd i Frogn, var ein norsk sivilagronom og politikar for Senterpartiet.
| Finn T. Isaksen | |
| Statsborgarskap | Noreg |
| Fødd | 26. april 1924 Frogn |
| Død |
29. september 1987 (63 år) |
| Yrke | politikar |
| Politisk parti | Senterpartiet |
Isaksen var 2. vararepresentant til Stortinget for Akershus perioden 1977-1981. Han var statsråd og sjef for landbruksdepartementet (landbruksminister) i Kåre Willoch si regjering 1983–1985.
Han gjekk folkeskule og middelskule i Drøbak 1931–1942, og tok examen artium ved Ski gymnas i 1944. Han gjekk ved Sem landbruksskole i Asker i 1945. Han blei uteksaminert som sivilagronom (med landbruksøkonomi) frå Norges landbrukshøgskole i 1950. Isaksen var forskingsstipendiat ved Landbruksøkonomisk Institutt 1951–1952, og samvirkekonsulent og seinare direktør i Selskapet for Norges Vel 1953–1960. Han var administerende direktør i Norges kjøtt- og fleskesentral frå 1960 til han døydde.