Fiskarkapellet

Fiskarkapellet er eit lafta kyrkjebygg frå 1459 som står på Maihaugen i Lillehammer. Det vart opphavleg oppført på Øyra ved Gudbrandsdalslågen i Fåberg.

Fiskarkapellet
Fiskerkapellet
Teknikk	Lafta
Material	Tre
Innvigd	1459
•  Vigd til	Maria møy og Heilag-Olav
Fiskarkapellet 61.11087°N 10.47923°E / 61.11087; 10.47923
Wikimedia Commons: Fiskerkapellet

Fiskarkapellet fotografert i 1928. Kapellet er sidan flytt til ein annan stad på Maihaugen og takryttaren, som ikkje var opphavleg, er fjerna.

Foto: Anders Beer Wilse

Ei tidlegare altarplate frå Lillehammer stavkyrkje vert nytta som altarplate i Fiskarkapellet.

Etter reformasjonen vart det flytt til prestegarden i Fåberg og gjorde der nytten som stabbur til det vart kjøpt av Anders Sandvig og flytt til Maihaugen i 1896. Kapellet er det einaste bevarde norske trekyrkjebygget frå mellomalderen som ikkje er bygd i stavverk.

«ANNO DOMINI MCDLIX IN CRAS[TIN]O SANCTI LAMBERTI FVIT HIC CAPELLA CONSECRATA IN HONORE SANCTE MARIE VIRGINIS ET SANCTI OLAVI REGIS ET MARTIRIS PRO MANVS DOMINI GUNARI EPISCOPUS HAMARENSIS [NEC NO)N ET PER IPSUM FUNDATA ORATE PRO ANIMA ILLIVS.» Innskrift på nordveggen i kapellet

Byggjeåret og at kapellet var vigd til Maria møy og Heilag-Olav veit ein frå ei latinsk innskrift som er skoren i veggen på kapellet. Innskrifta fortel også at det var Hamar-bispen Gunnar som fekk kapellet reist.

Bakgrunnsstoff

• Eldre fotografi av kapellet på nettstaden til Nasjonalbiblioteket
• Fiskarkapellet i kulturminnesok.no, nettstaden til Riksantikvaren