Frederik Mosling

Frederik Christian Hegdorn Matheson Mosling (19. desember 1792–22. desember 1839) var ein norsk offiser og stortingsmann frå Børsa. Abraham Mosling var bror hans.

Frederik Mosling
Statsborgarskap	Noreg
Fødd	19. desember 1792
Død	22. desember 1839 (47 år)

Mosling var son til ein proprietær. Sjølv gjekk han inn i hæren og var offiser i trondhjemske infanteriregiment frå 1812. I 1823 vart han forfremja til premierløytnant og i 1839 til kaptein og sjef i den trondhjemske brigade.

Mosling vart vald til stortingsrepresentant frå Søndre Trondhjems amt på tre valting og møtte på stortinga 1830, 1833 og 1839. Han var i 1830 sekretær i «trykningskomiteen» og medlem i Matrikkellovkomiteen, sekretær i sistnemnde i 1833. Både i 1833 og 1839 var han medlem i Militærkomiteen. I 1838 var han den fyrste ordføraren i Børsa.

Han levde ugift og døydde i 1839, 47 år gammal.

Kjelder

• Lindstøl, Tallak: Stortinget og Statsraadet 1814-1914. Kristiania, 1914