Friheten

Friheten er ei avis utgjeven annakvar veke av Norges Kommunistiske Parti (NKP).

Avisa Friheten
Frihetens avishode, fra det første trykte eksemplar, nr. 25 1942. Klisjéen som skulle brukes gikk i stykker under første trykk, og et nytt måtte skjæres med kniv i bly - under tidspress. Det brukes ennå.
Land	Noreg
Type	Fjortendagleg
Format	Tabloid
Grunnlagd	September 1941
Pris	Kr. 500 halvår
Eigarar	Norges Kommunistiske Parti
Utgjevar	NKP
Redaktør(ar)	Harald Øystein Reppesgaard
Politisk posisjon	Organ for NKP
Opplag	3 240 (2011)
Hovudkvarter	Helgesens gate 21 i Oslo.
Nettstad	http://www.friheten.no

Skilt ved redaksjonslokala til Friheten i Helgesens gate i Oslo

Historie

Friheten vart etablert som illegal avis i oktober 1941. Avisa kom kvar veke fram til 1944, deretter sjeldnare inntil frekvensen steig mot slutten av krigen. Friheten vart truleg trykt i til saman 2 millionar eksemplar under andre verdskrig, med eit opplag hausten 1944 på vel 20 000.

Frå mai 1945 vart Friheten dagsavis, og erstatta Arbeideren som hovudorganet til NKP. Hausten var opplaget mellom 130 000 og 170 000. På denne tida var avisa ei kort stund den nest største i landet. Nedgangen kom raskt, mellom anna fordi avisa måtte leggja om frå morgonavis til ettermiddagsavis da Arbeiderbladet ikkje lenger ville trykkja avisa. Alt i 1947 var opplaget nede i 30 000.

Oppslutninga om NKP fall, og det gjorde også interessa for Friheten, som var dagsavis fram til 1967. Avisa vart så ei vekeavis fram til 1977, då avisa byrja å koma to gonger i veka. Hausten 1989 kom den neste krisa og talet på utgjevingar gjekk ned til ei i veka. I 1992 mista avisa pressestøtta på grunn av at dei hadde problem med at ho ikkje vart gjeve ut ofte nok. Dette førte til at Friheten gjekk konkurs. Ein annan grunn til krisa i avisa var ein strid mellom leiinga i NKP og redaktøren i Friheten om avisa skulle vera eit partiorgan eller fylgje ei meir sjølvstendig line. Friheten heldt fram med sporadiske utgjevingar, til dels som månadsavis. Avisa opplevde ei gjenoppliving då ho fekk pressestøtte att frå 1996, og har kome ut som vekeavis til no. Produksjonen av avisa er for det meste dugnadsarbeid.

Nettutgåva av Friheten vart etablert i 1998. Opplaget på papiravisa ligg på rundt 1500 eksemplar. Ansvarleg redaktør er Harald Reppesgaard (2010).

Redaktørar

• Christian Hilt 1941-1942
• Erling Heistad 1942
• Olaf Hofmo 1942
• Kåre Selnes 1942-1943
• Jul Kvale 1943-1944
• Adelstein Haugen og Otto Sommerstad 1944-1945
• Kjell Kviberg 1945-1946
• Jørgen Herman Vogt 1946-1958
• Reidar T. Larsen 1958-1965
• Jørgen Herman Vogt 1965-1967
• Reidar T. Larsen og Arne Jørgensen 1967-1968
• Arne Jørgensen 1968-1990
• Veikko Keteli 1991-1992
• Bjørn Kjønli 1992
• Hans Petter Hansen 1992
• Bjørn Kjønli 1992
• Harald Syvertsen 1992-1994
• Hans Petter Hansen 1994-2010
• Harald Reppesgaard 2010-

Nettredaktørar

• Hans Berger 1998-2004
• Willy Similä 2004-2006
• Øyvind Haraldsvik 2007-2009
• Petter Sandvik 2009-

Kjelder

• Artikkel på bokmålswikipedia

Bakgrunnsstoff

• Friheten.no
• Friheten i Store Norske Leksikon