Frisk bris

Frisk bris er kategori 5 i Beaufortskalaen og er den sterkaste av briskategoriane. Vindsnøggleiken er då 8,0-10,7 m/s eller 30-39 km/t. I eldre sjønemning heiter vindstyrken enkeltreva mersseils kuling.

Verknad

På land

Små tre med lauv byrjar å svaie.

Til fjells

Det blir tungt å gå på ski mot vêret. Fokksnø som driv langs bakken virvlast så høgt at sikta vert redusert. Snødrevet piskar i andletet.

Til sjøs

Mellomstore bølgjer oppstår (2-3 m), som har meir utprega langstrakt form og mange skumtoppar. Sjøsprøyt frå bølgjetoppane kan skje.

Andre språk

Språk	Namn
Svensk	Frisk vind (på land), styv bris (til sjøs)
Dansk	Frisk vind
Færøysk	Stívt andøvsgul
Islandsk	Kaldi
Engelsk	Fresh breeze

Kjelder

bris «» i Store norske leksikon, snl.no.