Full storm

Verknaden til full storm på sjøen.

Full storm er kategori 10 i Beaufortskalaen og er den midtre av stormkategoriane. Vindsnøggleiken er då 24,5 til 28,4 m/s eller 88-102 km/t. I eldre sjønemning heiter vindstyrken storm.

Innhaldsliste

Verknad

På land

Sjeldan inne i landet. Tre rotveltar. Stor skade på hus.

Til fjells

Full storm og høgare vindstyrker vil dei fleste aldri kome ut for. Tre veltar over leidningar for telefon og straum. Det knakar i tømmerveggar. Lette småhus vert rivne av grunnmuren.

Til sjøs

Særs høge bølgjer (9–12,5 m) med lange overhengande kammar. Skummet, som vert danna i store flak, driv med vinden i tette kvite strimer så sjøen får eit kvitaktig utsjåande. Rullinga blir tung og støytande. Redusert sikt.

Andre språk

Språk	Namn
Svensk	Storm
Dansk	Storm
Færøysk	Hvassur stormur
Islandsk	Rok
Engelsk	Storm eller whole gale

Kjelder

• storm «Full storm» i Store norske leksikon, snl.no.