Gary Neville

Gary Alexander Neville (fødd 18. februar 1975 i Bury i Lancashire i England) er ein engelsk tidlegare fotballspelar. Han var aktiv i Manchester United i tida 1992-2011, kaptein i fem sesongar. I løpet av 12 år spelte han 85 landskampar for England. Gary, som heile tida spelte høgreback, er bror til Phil Neville.

Gary Neville

Fødd	18. februar 1975
Fødestad	Bury
Ungdomsklubbar
1991–1992	Manchester United
Seniorkarriere*
År	Lag	Kampar (Mål)
1992–2011	Manchester United	400 (5)
Landslag
1995–2007	England	85 (0)
* Seniorklubbkampar og mål berre telt for nasjonal liga og oppdatert 27. mars 2010 ‡ Landslagsmål oppdatert 22. august 2009

Karriere

Klubbspel

Gary Neville fekk sin debut 16. oktober 1992 i ei UEFA-kamp heime mot Torpedo Moskva. Han fekk lite og inkje speletid før vårsesongen 1995. Sidan då var han jamnt og samt Alex Ferguson sitt fyrsteval på høgrebacken til 2007. Etter ein lang skadeperiode i 2007-08 fekk han mindre speletid og 2010 sat ham jamnast på reservebenken. Han spelte sin siste kamp 1. januar 2011 på bortebane mot West Bromwich. Gjennom åra var han med å vinne 8 ligameisterskap, 3 FA-cupfinalar og lika mange ligacupfinalar, samt høgdepunktet Meisterligaen 1999. Han deltok i 602 av Manchester Unitd sine kampar, skåra 7 mål.

Landslagsspel

Neville debuterte på den engelske landslaget i juni 1995. Fram til februar 2007 tok han del i 85 landskampar, skåra aldri. Han spelte i EM i fotball 1996, VM i foitball 1998, EM i fotball 2000 og 2004, samt VM i fotball 2006. Til saman deltok han i 12 kampar i europameisterskap og 5 kampar i verdsmeisterskap.

Merittar

• Vinnar av Meisterligaen: 1999 med Manchester United
• Engelsk ligameister: 1996, 1997, 1999, 2000, 2001, 2003, 2007, 2009 med Manchester United
• Vinnar av FA-cupen: 1996, 1999 og 2004 med Manchester United
• Vinnar av den engelske ligacupen: 2006, 2009 og 2010 med Manchester United

Kjelder

• eu-football
• Denne artikkelen bygger på «Gary Neville» frå Wikipedia på engelsk, den 8. juli 2024.