Geologisk undersøking

Geologisk undersøking er undersøkingar i felten for å reie ut om dei geologiske forholda i eit område.

Dei enklaste metodane er kartlegging av dei ulike bergartstypane og avgjere strøk og fall av lagdeling eller andre planstrukturar, retninga av sprekker og gangar, i tillegg til innsamling av prøvar og fossil. Meir spesielle undersøkingar er magnetiske og radiometriske undersøkingar for påvising av radioaktive mineral. Ved grunnundersøkingar og leiting etter førekomstar av økonomisk tyding, nyttar ein geofysiske metodar, men desse krev eit stort og kostbart utstyr.

Sjå òg

• Malmleiting
• Petroleumsleiting

Kjelder

• Geologiske undersøkelser.: feltundersøkelser. (14. februar 2009). I Store norske leksikon. Henta 13. august 2014 frå http://snl.no/geologiske_unders%C3%B8kelser.%2Ffeltunders%C3%B8kelser.