Grensevinkel

Grensevinkel eller ein kritisk vinkel er i optikken den innfallsvinkelen som gjev ein brytingsvinkel på 90° når lys går frå eit optisk tettare til eit optisk mindre tett medium. Medan ein for innfallsvinklar mindre enn grensevinkelen har både bryting og refleksjon, får ein for større innfallsvinklar berre refleksjon, totalrefleksjon. Ein kan bruke Snell-lova til å finne grensevinkelen

Illustrasjon av Snell-lova

Snell-lova seier

$n_{1}\sin \theta _{i}=n_{2}\sin \theta _{t}\quad$.

Om ein omarrangerer lova får ein

$\sin \theta _{i}={\frac {n_{2}}{n_{1}}}\sin \theta _{t}$.

For å finne grensevinkelen må vi finne verdien for $\theta _{i}$ når $\theta _{t}=$90° og dermed $\sin \theta _{t}=1$. Verdien ein får for $\theta _{i}$ er lik grensevinkelen $\theta _{c}$.

No kan vil løyse for $\theta _{i}$, og får likninga for grensevinkelen:

$\theta _{c}=\theta _{i}=\arcsin \left({\frac {n_{2}}{n_{1}}}\right),$

Prinsippet for totalrefleksjon blir utnytta i samanhengar der ein ynskjer minimal reduksjon i lysintensiteten. I reflekskamera er det vanleg å bruke totalreflekterende prisme i staden for spegel. Innanfor moderne dataoverføring inntar optiske fibrar ein stadig breiare plass. Her blir ljoset inne i dei tynne fibrane totalreflektert mot overflata (sjå optisk fiber).

Kjelder

• grensevinkel. I Store norske leksikon. Henta frå: http://snl.no/grensevinkel

• Denne artikkelen bygger på «Total internal reflection» frå Wikipedia på engelsk, den 17. februar 2013.