Guildford

Guildford er ein by i Surrey i England, og administrativt senter for regionen Søraust-England. Han var tidlegare òg administrativt senter for grevskapet Surrey, men dette vart flytta til Kingston.

Guildford
Guildford og Guildford-katedralen Guildford og Guildford-katedralen
Plassering
Styresmakter
Land	Storbritannia
Konstituerande land	England
Grevskap	Surrey
Distrikt	Guildford
Grunnlagd	400-talet
Geografi
Innbyggjarar  - By (2007)	72 971
Koordinatar	51°14′N 0°34′W
Diverse annan informasjon
Postnummer	GU1-4
Telefon-retningsnummer	01483
Commons har multimedium som gjeld: Guildford

Historie

Historia til byen går tilbake til angelsaksisk tid. Namnet kjem truleg frå eit sanddekke – gylle – vadestad i elva Wey. Alfred Atheling, son av kong Ethelred II, hadde budd i Normandie under den danske invasjonen av England. Omkring 1040, nokre år etter Knut den store var død, kom han tilbake til England. Han møtte jarlen Godwin av Wessex i Guildford, og vart overlaten til kongen, som blinda og lemlesta han; Alfred døydde kort tid etter mishandlinga.

På 1100-talet reiste normannarane eit slott, i det som var utkanten av jaktmarkene til Windsor Castle. Det vart fleire gonger vitja av kongane Johan og Henrik III. Berre sjølve tårnet er verna, og vart restaurert i 2004.

Frå 1300- til 1700-talet hadde byen store inntekter frå handel med ull.

I 1927 vart Guildford eit anglikansk bispesete. Guildfordkatedralen vart vigsla i 1961.

Den 5. oktober 1974 eksploderte bomber plassert av medlemmar av Den provisoriske irske republikanske arméen på to pubar i Guildford. Pubane var utpeikt som mål fordi soldatar ofte gjekk dit; fem sivile vart drepne. Fire mistenkte vart arresterte, og vart kjent som Guildford Four. Dei vart idømd lange fengselsstraffar, men etter ein lang juridisk dragkamp vart dei lauslatne i 1989 då domane vart forkasta.

I 2002 freista Guildford å få full bystatus (city), men dette vart avslått og byen er enno ein town.

Kjelder

• Denne artikkelen bygger på «Guildford» frå Wikipedia på bokmål, den 12. juli 2011.