Guri Hjeltnes
Guri Hjeltnes (fødd 23. oktober 1953 i Stavanger)[1] er ein norsk historikar og journalist, og direktør ved Senter for studier av Holocaust og livssynsminoriteter (HL-senteret). Frå 2004 var ho professor ved Institutt for kommunikasjon ved Handelshøgskolen BI og ho tiltredde som prorektor 1. januar 2008. Hjeltnes har vore involvert i utviklinga av BI sitt journalistutdanningsprogram som gav ein bachelor i medieutvikling og journalistikk.
| Guri Hjeltnes | |||
 | |||
| Fødd | 23. oktober 1953 Stavanger kommune | ||
|---|---|---|---|
| Nasjonalitet | Noreg | ||
| Område | felttoget i Noreg i 1940 | ||
| Yrke | journalist, professor, historikar | ||
| Institusjonar | Handelshøyskolen BI Senter for studier av Holocaust og livssynsminoriteter | ||
| Ektefelle | Bernt Hagtvet | ||
| Medlem | 22. juli-kommisjonen | ||
Bakgrunn
endreHjeltnes er dr. philos. i historie frå Universitetet i Oslo 2002. Innanfor journalistikk er ho kjent som mangeårig leiar av SKUP-juryen. Hjeltnes var medlem i Brurås-utvalet som i 2003 gav ei vurdering av handteringa til media av Tønne-saka.
Ho har sjølv arbeidd som journalist blant anna i Arbeiderbladet, og har som historikar skrive fleire bøker, særleg knytt til norsk okkupasjonshistorie.[2] Mellom dei er Avisoppgjøret etter 1945, og dessutan to bind i Handelsflåten i krig og Hverdagsliv i krig. Sistnemnde vart kåra til ei av dei ti viktigaste norske bøkene om andre verdskrigen av ein historikarjury i 2015.
I 2004 vart Hjeltnes først tilsett i avisa Verdens Gang, før ho etter to månader slutta for å tiltre i eit nyopprette professorat i journalistikk ved BI. Ho skriv likevel framleis ofte politiske kommentarar i VG.
Hjeltnes vart utnemnd til medlem av 22. juli-kommisjonen i statsråd 12. august 2011.
Ho er gift med statsvitaren Bernt Hagtvet.
Bibliografi
endre- Den norske nasjonalsosialismen – sakprosa (1982) saman med Hans Fredrik Dahl og Bernt Hagtvet
- Hver fredag foran porten – sakprosa (1984) saman med Wanda Heger
- Hverdagsliv bind 5 i serien Norge i krig ; sakprosa (1987)
- Avisoppgjøret etter 1945 – sakprosa (1990)
- Krigshverdag. Bilder fra norske familiealbumer 1940-1945 – sakprosa (1990)
- Tokt ved første nymåne. Felttoget 1940. Invasjon med kamera og panservogn – sakprosa (1990), saman med Odd V. Aspheim
- Norsk krigsleksikon 1940-1945 – sakprosa (1995), bidragsytar og medredaktør
- Handelsflåten i krig 1939-1945, bind 3: Sjømann – lang vakt – sakprosa (1995)
- Handelsflåten i krig 1939-1945, bind 4: Krigsseiler – krig, hjemkomst, oppgjør – sakprosa (1997)
- Ordet er fritt! Ein bok til Preben Munthe – sakprosa (2000) bidragsytar og medredaktør
- Barn under krigen – sakprosa (2000), saman med Berit Nøkleby
- Det elegante uromoment; Hans Fredrik Dahl og offentligheten, festskrift til Hans Fredrik Dahl, Pax, 2009, redaktør saman med Bernt Hagtvet og Henrik G. Bastiansen
Prisar og utmerkingar
endre- Norsk språkpris 1998
- Sverre Steen-prisen (2009)
- Anders Jahres kulturpris (2016) for arbeidet med historia til krigssiglarane (delt med Jon Michelet, Helge Jordal og Bård Rasmussen)
Kjelder
endre- Denne artikkelen bygger på «Guri Hjeltnes» frå Wikipedia på bokmål, den 7. mai 2019.
Bakgrunnsstoff
endre- Publikasjonar av Guri Hjeltnes i forskingsdokumentasjonssystemet Cristin