Gustáv Husák

Gustáv Husák (10. januar 1913–18. november 1991) var ein slovakisk advokat og politikar frå Bratislava. Som generalsekretær i det kommunistiske partiet (KSČ ) i Tsjekkoslovakia var han den mektigaste politikaren i Tsjekkoslovakia frå 1969 til 1987.

Gustáv Husák
Fødd	10. januar 1913 Dúbravka
Død	18. november 1991 (78 år)
Statsborgar av	Tsjekkoslovakia, Republikken Slovakia
Parti	Det tsjekkoslovakiske kommunistpartiet (1933)
Yrke	politikar, advokat, jurist
Utdanna ved	juridisk fakultet ved Comenius-universitetet i Bratislava Gymnasium Grösslingová
Ektefelle	Magda Lokvencová, Viera Husáková
Barn	Vladimír Husák, Ján Husák
Alle verv	Tsjekkoslovakias president (1975–1989) First Secretary of the Communist Party of Czechoslovakia (1969–1987)

Hausten 1944 var Husák ein av leiarane for den kortvarige slovakiske nasjonale oppreisten mot Nazi-Tyskland og det slovakiske quisling-styret. Etter verdenskrigen arbeidde han ved ulike partikontor og var frå 1946 til 1950 formann for den slovakiske regjeringa i Tsjekkoslovakia. Under dei stalinistiske utreinskingane i 1950 vart Husák klaga for å vere ein «borgerleg nasjonalist» og dømt til fengsel i 10 år. Gjennom 1960-åra vart han gradvis teken til nåde av partileiinga.

I 1968 deltok Husák aktivt i å slå ned den såkalla Praha-våren. Då Alexander Dubček vart tvinga til å gå av i april 1969, tok Husák over som generalsekretær i kommunistpartiet i Tsjekkoslovakia, ein posisjon han hadde til 1987. Perioden frå 1975 til desember 1989 var han dessutan den fyrste og einaste slovaken som var president i den tsjekkoslovakiske republikken. Husák førte i alle år ved makta ein politikk der han sakte og systematisk gjenoppretta den Moskva-lojale linja.

Kjelder

• Denne artikkelen bygger på «Gustáv Husák» frå Wikipedia på tysk, den 18. februar 2021.