Gyldenløve

Gyldenløve er eit etternamn. Etternamnet vart gjeve til born av nokre kongar av Danmark-Noreg. Somme av desse kongane hadde fleire born fødd utanom ekteskap, men ville truleg gje borna sine eit fint namn. Gyldenløve var eit namn gjeve til såkalla uekte barn av kongane. Såleis hadde ikkje desse arverett til trona. Mange er vanskelege å skilja frå kvarandre, i og med at dei fekk ulike samansetjingar av namna Christian, Ulrik og Frederik som førenamn.

• Kristian IV av Danmark-Noreg fekk fleire born utanom ekteskap. Med Kirsten Madsdatter fekk han Christian Ulrik Gyldenløve (1611-1640), med Karen Andersdatter Hans Ulrik Gyldenløve (1615-1645) og (med Vibeke Kruse) Ulrik Christian Gyldenløve (1630-1658).

• Fredrik III av Danmark-Noreg fekk Ulrik Frederik Gyldenløve (1638-1704) med Margrethe Pape.

• Kristian V av Danmark-Noreg fekk med Sophie Amalie Moth 5 born. I 1679 fekk dei namnet Gyldenløve: Christiane Gyldenløve (1672-1689), Christian Gyldenløve (1674-1703), Sophie Christiane Gyldenløve (1675-1684), Anna Christiane Gyldenløve (1676-1689) og Ulrik Christian Gyldenløve (1678-1719). Eit sjette barn, ei dotter, vart fødd i 1682 og døydde i 1684.

Sjå òg

• Gyldenløvefeiden
• Gyldenløvesgade