Halvor Håvardsson Bråten
Halvor Håvardsson Bråten (24. januar 1770–23. desember 1833) var ein norsk lærar, gardbrukar, lensmann og stortingsmann frå Søndeled i Aust-Agder.
| Halvor Håvardsson Bråten | |
| Statsborgarskap | Noreg |
| Fødd | 24. januar 1770 |
| Død |
23. desember 1833 (63 år) |
| Yrke | bonde, politikar |
| Språk | norsk |
Bråten var son av ein gardbrukar frå Moland i Søndeled. Frå 1783 til 1796 var han skulehaldar med ei årsløn på åtte riksdalar. Han var gardbrukar, fyrst på Akland og så frå 1799 på Bråten i Søndeled. I 1818 vart han lensmann i Søndeled, eit ombod han hadde til han døydde.
Bråten var 1. varamann frå Nedenes og Robygdelagets amt til Stortinget 1824 og 1827. I 1830 møtte han på Stortinget som 2. representant frå same valkrinsen. Han var då medlem av gasje-, pensjons-, skatte- og budsjettkomiteen.
Han døydde på garden sin i Søndeled i 1833.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Halvor Håvardsson Bråten NSD Norsk senter for forskningsdatas politikararkiv