Hamid Karzai
Hamid Karzai (fødd 24. desember 1957) var den første valde presidenten i Afghanistan, frå 7. desember 2004 til 29. september 2014. Frå desember 2001 hadde Karzai vore leiar av ein mellombels administrasjon i landet, og han var mellombels president frå 2002.
| Hamid Karzai | |
.jpg) | |
| Statsborgarskap | Nadir Shahs og Zahir Shahs styre, Republikken Afghanistan, Den demokratiske republikken Afghanistan, Islamic State of Afghanistan, Islamska Republika Afganistanu, Afghanistan |
| Fødd | 24. desember 1957 (66 år) Karz |
| Yrke | politikar |
| Språk | pashto |
| Verv | President i Afghanistan |
| Periode | 22. desember 2001–29. september 2014 |
| Føregangar | Burhanuddin Rabbani |
| Etterfylgjar | Ashraf Ghani |
| Politisk parti | partilaus |
| Religion | Islam, sunniislam |
| Far | Abdul Ahad Karzai |
| Ektefelle | Zeenat Karzai |
| Hamid Karzai på Commons | |
Karzai vart fødd i landsbyen Karz i Kandahar-provinsen søraust i Afghanistan.[1] Han høyrer til folkegruppa pasjtunarar[2] og den mektige Populzai-klanen.[1] Far hans, Abdul Ahad Karzai, var visepresident i det afghanske underhuset på 1960-talet. Bestefar hans, Khair Mohammad Khan, tente i den afghanske sjølvstendekrigen i 1919 og var visepresident for overhuset. Familien til Karzai var sterke støttespelarar for Zahir Shah, den siste kongen av Afghanistan.
Hamid Karzai utdanna seg i Kabul og i Simla i India.[2] Han blei informasjonsdirektør for Afghan National Liberation Front (ANLF), som kjempa mot den sovjetiske okkupasjonen, i 1982.[2] Han støtta i førstninga den nye motstandsrørsla Taliban, men såg etterkvart på rørsla som styrt av utlendingar, og gjekk imot dei i 1994.[2] Han skal ha vore med på å driva Taliban ut av Kandahar i 2001.[2]
Med amerikansk støtte blei han mellombels leiar for landet etter at Taliban var kasta.[2] Han vart vald til president gjennom presidentvalget i Afghanistan i 2004, og vart gjenvald i 2009. Særleg det siste valet var prega av kontrover og påstandar om valfusk.[2]