Hans B. Wergeland
Hans Bergersson Wergeland (23. juli 1861–8. juli 1931) var ein norsk gardbrukar og politikar frå Masfjorden.
| Hans B. Wergeland | |
| Statsborgarskap | Noreg |
| Fødd | 23. juli 1861 Masfjorden kommune |
| Død | |
| Yrke | politikar |
| Språk | norsk |
| Politisk parti | Høgre |
Wergeland var fødd på garden Løveid i Masfjorden. I yngre år gjekk han i to år på overkonstabel-skulen i Bergen, og sidan eitt år på artilleribrigaden sin underoffisersskule. Han overtok så slektsgarden i 1885, og dreiv denne i lang tid.
Han var medlem av heradsstyret i Masfjorden frå 1887 og ordførar i heradet i 15 år; 1902 til 1916. I tillegg var han ordførar i forstandarskapet til Masfjorden Sparebank i tida 1902-07 og styreformann i Lindaas-Masfjorden dampskibsselskap frå 1902.
Wergeland vart vald inn på Stortinget ved stortingsvalet 1906 for krinsen Nordhordland, og vart attvald i 1909. I den fyrste stortingsperioden representerte han Samlingspartiet, i den andre Høgre. Han hadde heile stortingstida sete i vegkomiteen, i den andre perioden som nestformann. Bolken 1910-12 var han også medlem av reguleringskomiteen.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Hans B. Wergeland NSD Norsk senter for forskningsdatas politikararkiv