Hans Husum
Hans Petter Husum (fødd 9. november 1947) er ein norsk ortopedisk kirurg og politisk aktivist med bakgrunn frå ml-rørsla.
| Hans Husum | |
| Statsborgarskap | Noreg |
| Fødd | 9. november 1947 (76 år) |
| Yrke | kirurg, politisk aktivist |
| Politisk parti | Arbeidernes kommunistparti |
| Medlem av | Afghanistankomiteen, Palestinakomiteen |
Husum har jobba mykje med skadehandsaming og krigskirurgi i den tredje verda. Han har mellom anna arbeidd mange år som krigskirurg i Afghanistan for den norske Afghanistankomiteen. Han er kjend for å vera svært frittalande, og utsegnene hans har ei rekkje gonger skapt debatt i Noreg. Han er no knytt til Tromsø mineskadesenter der han driv opplæring i enkel og avansert skadehandsaming i ei rekkje konfliktområde.
I 2003 disputerte han til doktorgraden i medisin på ei avhandling om prehospital skadehandsaming i den tredje verda.
På 1970- og 1980-talet var Husum aktiv i AKP(m-l), og bidrog blant anna til helse- og arbeidsmiljøspalta i avisa til partiet Klassekampen.[1][2]
Bibliografi endre
Hans Husum er òg kjend som forfattar:
- Kamp mot helsefarlig arbeid. Handbok for arbeidere. (Saman med Ebba Wergeland) Forlaget Oktober. ISBN 82-7094-104-2
- War Surgery: Field Manual – lærebok i krigskirugi, 1995. ISBN 983-9747-14-2
- Save Lives – Save Limbs – lærebok i prehospital mineskadebehandling, 2000. ISBN 983-9747-42-8
- Tracks of blood : studies of trauma and trauma systems in the rural South 2003 (doktorgradsavhandling)
Referansar endre
- ↑ Side 418, Pål Steigan: Ein folkefiende, Aschehoug, Oslo 2013
- ↑ Side 47, Alf Skjeseth: Sykl på vatnet – historia om Klassekampen.
Bakgrunnsstoff endre
- Publikasjoner av Hans Husum i forskningsdokumentasjonssystemet CRIStin
- Publikasjoner av Hans Husum i BIBSYS
- Tromsø Mineskadesenter (arkivert nettside)
- Læreboken War Surgery (arkivert nettside)