Hans Ludvig Meyer
Hans Ludvig Meyer (3. desember 1857–25. april 1940) var ein norsk grosserar frå Østre Halsen i Tjølling. Han representerte partiet Høgre på Stortinget i til saman ni år i tida 1910-21.
| Hans Ludvig Meyer | |||
| Fødd | 3. desember 1857 | ||
|---|---|---|---|
| Død | 25. april 1940 (82 år) | ||
| Statsborgar av | Noreg | ||
| Parti | Høgre | ||
| Alle verv |
| ||
Meyer var son til ein skipper. Han gjekk Larvik middel- og realskule og vart student i 1872. Dei neste åra reiste han til sjøs. Frå 1880 til 1897 var han skipper, for det meste i langfart. Han budde i strandstaden Østre Halsen fram til 1896, flytta då til Larvik, der han i 1898 etablerte seg som skipsreiar. Han var frå 1899 medeigar i reiarlaget Gran & Meyer, eineeigar frå 1908. Omframt utreiinga av skip, dreiv han eksporthandel og handel med fiskeriprodukt.
Meyer var bystyremedlem i Larvik i seks år. Han var styreformann for Larvik sjømannsskule, Larvik sparebank, Larvik kassefabrikk, og i kvalfangarselskap. I tida 1910-15 var han stortingsmann frå einmannskrinsen Larvik og Sandefjord, medlem i Protokollkomiteen 1910-12 og i Konstitusjonskomiteen 1913-15. Etter å ha vore ute av Tinget ein valbolk, kom han innatt og representerte same krinsen og framleis Høgre på Stortinget 1919-21.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914