Harald Sohlberg

Harald Oskar Sohlberg (29. september 1869–19. juni 1935) var ein norsk nyromantisk målar. Han arbeidde med oljemåleri, akvarell, teikning, litografi og radering. Han er ein av dei mest kjende norske målarane, og verka hans finst i privat eige og i galleri over heile verda.

Harald Sohlberg
Sjølvportrett.
Statsborgarskap	Noreg
Fødd	29. november 1869 Christiania
Død	19. juni 1935 (65 år) Christiania
Yrke	kunstmålar
Ektefelle	Lilli Sohlberg
Harald Sohlberg på Commons

Sohlberg laga ofte mange utgåver av same motivet. Målt mot andre kunstnarar hadde han ein liten produksjon.

Det mest kjende bildet hans er Vinternatt i Rondane, også kalt Vinternatt i fjellene. I tillegg festa han fleire motiv frå Røros til papir og lerret.

Vinternatt i Rondane

Harald Sohlberg måla Vinternatt i Rondane i fleire utgåver, både som oljemåleri og fargelitografi. Han byrja arbeidet med den fyrste utgåva av Vinternatt i Rondane i 1901, medan det som vert sett som hovudutgåva, det store oljemåleriet som er i Nasjonalgalleriet, ikkje var ferdig før vinteren 1913/1914, etter at det var påbyrja i 1911.

Etter dette arbeidde han vidare med motivet som fargelitografi, og han arbeidde på ei måleriutgåve opp i dei siste åra av livet. Til saman finst det i tillegg til litografia 20 utgåver av biletet, dei fleste i vassfargar eller i blanda teknikk på papir.

Måleri

• 
  Vinternatt i Rondane, 1913-1914
• 
  Hytte
• 
  Høstlandskap
• 
  Røros
• 
  Sommarnatt 1899
• 
  Blomar, 1905
• 
  Storgaten Røros, 1903
• 
  Oslo fra Akershus, 1900

Bakgrunnsstoff

• Stutt artikkel om Sohlberg på nettstaden «Kunstnere i Akershus».

Wikimedia Commons har multimedia som gjeld: Harald Sohlberg

Denne kunstartikkelen er ei spire. Du kan hjelpe Nynorsk Wikipedia gjennom å utvide han.