Heerlen

Heerlen er ein kommune og by i Nederland i provinsen Limburg med om lag 90 000 innbyggjarar. Han er den fjerde største kommunen i Limburg og ein del av storbyområdet Parkstad Limburg som har rundt 220 000 innbyggjarar.

Heerlen
Glaspalasset i Heerlen Glaspalasset i Heerlen
Flagget til Heerlen Byvåpenet til Heerlen
Plassering
Plassering av Heerlen
Styresmakter
Land Provinsar	Nederland Limburg
Borgarmeister	Toine Gresel
Geografi
Flatevidd  - By    - Land    - Vatn	45,5 km²   45,04 km²   0.46 km²
Innbyggjarar  - Totalt (2007)    - folketettleik	89 667   1 991/km²
Koordinatar	50°53′N 5°59′E
Diverse annan informasjon
Nettstad: www.heerlen.nl

Heerlen har ei historie som går heilt tilbake til romartida, men var heller uviktig gjennom denne perioden og heilt fram til seint på 1800-talet, då han vart eit senter for kolindustrien i Nederland. På 1900-talet spelte arkitekten Fritz Peutz ei stor rolle i utforminga av byen som ein kjenner han i dag. Hans mest kjende design og særeigne bygg i sentrum av byen er den såkalla Glaspaleis («Glaspalasset») frå 1935. I 1995 fekk bygget status som nasjonalmonument og i 1999 plasserte Det internasjonale arkitektforbundet bygget på ei liste over dei tusen viktigaste byggverka på 1900-talet.

Bakgrunnsstoff

• Offisiell nettside

Kjelder

• Denne artikkelen bygger på «Heerlen» frå Wikipedia på engelsk, den 20. februar 2008.