Heide Simonis

Heide Simonis (fødd 4. juli 1943 i Bonn), opphavleg Heide Steinhardt, er ein tysk samfunnsøkonom, forfattar og politikar for SPD. Ho var den første kvinnelege ministerpresidenten i Schleswig-Holstein, og i heile Tyskland.

Heide Simonis
Fødd	4. juli 1943 Bonn
Død	12. juli 2023 (80 år)
Statsborgar av	Tyskland
Parti	Sozialdemokratische Partei Deutschlands
Yrke	skribent, politikar, forfattar, lyrikar
Utdanna ved	Christian-Albrechts-Universität zu Kiel
Ektefelle	Udo E. Simonis
Alle verv	medlem av Forbundsdagen (1976–1980) Medlem av Schleswig-Holsteins landdag (1992–2005) Schleswig-Holsteins ministerpresident (1993–2005) medlem av Forbundsdagen (1987–1988) medlem av Forbundsdagen (1983–1987) medlem av Forbundsdagen (1980–1983)

Liv og virke

Simonis studerte økonomi og sosiologi i Erlangen, Nürnberg og Kiel, og arbeidde deretter som lektor i tysk ved Lusaka-universitetet i Zambia i Afrika. Deretter var ho verksam ved instituttet for finans i Kiel. Ho var deretter knytt til Goethe-Institut.

Frå 1969 var ho medlem av SPD, og frå 1972-76 var ho medlem av kretsstyret i SPD-laget i Kiel. I 1971 blei ho rådsherre i rådsforsamlinga i Kiel, og 1976 blei ho vald inn i Forbundsdagen, der ho sat fram til 1988.

Etter regjeringsskiftet i Schleswig-Holstein blei ho 31. mai 1988 finansminister i Björn Engholm si delstatsregjering. Ho blei visestatsminister 10. mars 1993, og overtok som regjeringssjef 19. mai same året som første kvinne i historia.

Referansar

• Denne artikkelen bygger på «Heide Simonis» frå Wikipedia på bokmål, den 15. oktober 2020.