Heli Jukkola

Heli Jukkola (fødd 26. november 1979) er ein finsk tidlegare orienteringsløpar frå Noormarkku. Ho vann tre VM-gull, to EM-gull og vart i 2005 nordisk meister i stafett.

Heli Jukkola
Statsborgarskap	Finland
Fødd	26. november 1979 (45 år) Norrmark
Idrett	orientering

Karriere

Jukkola var bronsemedaljør på mellomdistansen i VM 2003 og VM 2004. I 2005 bidrog ho til at Rastikarhut-laget kom på andreplass i Venla-stafetten. Seinare i sesongen sprang ho inn til sølvmedalje på den klassiske distansen då Japan var vert for verdsmeisterskapen i orientering. Saman med Paula Haapakoski og særleg ankerkvinne Minna Kauppi utgjorde ho eit sterkt finsk stafettlag, ein trio som vann VM-stafetten både i 2006 og 2007. Under verdsmeisterskapen 2007 ved Kyiv delte elles Jukkola og Kauppi sigeren på den klassiske distansen, halvtanna minutt føre legendariske Simone Niggli-Luder på tredjeplass.

I europameisterskap i orientering tok Jukkola fem medaljar fordelt på to meisterskap. I Otepää i 2006 vann ho stafettgull, saman med Haapakoski og Kauppi, sølvmedalje på klassiskdistansen og bronsemedalje på mellomdistansen. Sommaren 2008 sprang Jukkola inn til triumf på mellomdistansen i Ventspils, landskvinnene Merja Rantanen og Minna Kauppi syrgde for at alle medaljane for til Finland. På kortdistansen i Latvia vart Jukkola nummer 2, norske Anne Margrethe Hausken vart nummer 1.

Medaljar og plasseringar i verdsmeisterskap

• VM 2003: Bronsemedalje på mellomdistansen
• VM 2004: Bronse på mellomdistansen, sølv i stafett
• VM 2005: Sølvmedalje på klassiskdistansen
• VM 2006: Gull i stafett, nr 4 på klassiskdistansen
• VM 2007: Gull på klassiskdistanse, sølv på mellomdistanse, gull i stafett
• VM 2008: Nr 5 på kortdistansen

Kjelder

• Denne artikkelen bygger på «Heli Jukkola» frå Wikipedia på bokmål, den 12. juli 2023.

Bakgrunnsstoff

Commons har multimedium som gjeld: Heli Jukkola