Helmer Gjedeboe
Helmer Andersson Gjedeboe (19. februar 1786–26. september 1854) var ein norsk soldat, trearbeidar, høker, politimann og eidsvollsmann frå Orkdal i Sør-Trøndelag.
| Helmer Gjedeboe | |
| Statsborgarskap | Noreg |
| Fødd | 19. februar 1786 Orkdal kommune |
| Død |
26. september 1854 (68 år) |
| Yrke | bonde, politikar |
| Språk | norsk |
| Politisk parti | sjølvstendepartiet |
Gjedeboe var son av ein gardbrukar i Orkdal. Han tok teneste som soldat i 1804 i Trondheim, åra 1804-18 var han underoffiser i trondhjemske infanteribrigade. I 1814 var Gjedeboe 2. utsending frå regimentet ved riksforsamlinga på Eidsvoll.
Frå 1818 til 1824 var Gjedeboe trearbeidar, arbeidde mest som dreiar. I 1824 fekk han løyve til å drive brennevinshandel, frå 1831 var han høker. Perioden 1838-50 var han politibetjent. Alle desse åra budde han i Trondheim.
Då han tok avskjed med politietaten, flytta Gjedeboe til Liland i Ofoten. Der, hos sonen som var lensmann, døydde han fire år seinare.
Kjelder
endre- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Helmer Gjedeboe NSD Norsk senter for forskningsdatas politikararkiv