Henri Oreiller

Henri Oreiller (5. desember 1925–7. oktober 1962) var ein fransk alpinist som vann OL-gull i utfor og den alpine kombinasjonen under Vinter-OL 1948 i St. Moritz.

Henri Oreiller
Statsborgarskap	Frankrike
Fødd	5. desember 1925 12. arrondissement i Paris
Død	7. oktober 1962 (36 år) 14. arrondissement
Yrke	alpinist, motorsykkelsportsutøver, racerbilfører, militær
Språk	fransk
Henri Oreiller på Commons

Alpin skiidrett

Oreiller vart olympisk meister i utfor i St. Moritz i 1948, med ein margin på fire sekund til nestemann. I den andre tevlinga, slalåm, tok han bronsemedaljen. Prestasjonane i dei to renna gav han ein andre gullmedalje i kombinasjonen, ei såkalla papirøving.

Ved VM i alpine greiner 1950 i Aspen i delstaten Colorado vart han som best nummer fire i storslalåm. Under vinterleikane 1952 i Oslo makta han ikkje å hamle opp mot dei beste, ein 14. plass i utfor vart hans fremste plassering.

Motorsport

Etter han la opp i 1952 var Oreiller aktiv i billøp. Han omkom hausten 1962 på ei bilbane sør for Paris. Ei punktering førte til at han mista kontollen over bilen sin, ein Ferrari 250 GTO.

Kjelder

• Denne artikkelen bygger på «Henri Oreiller» frå Wikipedia på engelsk, den 8. februar 2015.

• (en) Henri Oreiller – Profil og resultatoversikt i olympiske konkurransar på sports-reference.com.