Hn/Vade retro satana

Sidor som ligg under «Hn» er skrivne på høgnorsk. Denne finst òg i gjeldande rettskriving — sjå «Vade retro satana».

Vade retro satana (omsett «Vik, Satan», «Gakk burt, Satan» eller «Vik bak meg, Satan») er dei fyrste ordi av ei katolsk bøn for djevelutdriving.

Jesus vert freista av djevelen. Måla av Ivan Kramskoï (Kristus i ørkenen).

Denne bøni gjeng i alle fall attende til millomalderen. Ein hev funni ordleggingi i eit verk frå Kloster Metten i Bayern frå 1415.

Bøn

Forkorting av den latinske setningi «Vade retro satana...» (V R S... frå toppen og nedetter høgre sida) bak på ein benediktmedaljong.

Den latinske teksten:

Crux sacra sit mihi lux
Non draco sit mihi dux
Vade retro satana
Numquam suade mihi vana
Sunt mala quae libas
Ipse venena bibas

(Heile bøni er forkorta på medaljongillustrasjonen, fyrst på krossen og deretter ringen)

Beinveges omsetting:

Heilag krossen er mitt ljos / Draken er ikkje drotten min

Vik bak meg, satan / Freist meg aldri med fåfengde gjerningar

Det du byder på er vondt / Drikk gifta sjølv.

Soga

«Vade retro satana» liknar ei setning frå markusevangeliet (8:33), der Jesus taler strengt til Peter og segjer «Gakk ut or augo mine, Satan! Du hev ikkje ans for det som er Guds vilje, men berre for det som er menneskevilje.»

«Vade Retro Satana» er framleides ein del av katolsk eksorsisme, det noverande ritualet er i De exorcismis et supplicationibus quibusdam.