Hogstklasse
Hogstklasse er ein klassifisering av skog etter alder og tettleik. Omgrepet er sentralt ved inndeling av skogbestand.
- Hogstklasse I er skog under fornying
- Hogstklasse II er forynga skog,
- Hogstklasse III er yngre produksjonsskog
- Hogstklasse IV er eldre produksjonsskog
- Hogstklasse V er gammal skog
«Ia» er ei rydda flate, «Ib» er ei flate som må ryddast for at skogen skal kunne foryngast tilfredsstillande. Ein «a» etter hogstklasse II - V markerer at skogen har tilfredsstillande tettleik; ein «b» markerer at skogen har utilfredsstillande tettleik.
I yngre produksjonsskog aukar den årlege tilveksten for kvart år. I eit gammalt skogbestand vil den årlege tilveksten bli lægre år for år. Tradisjonelt går hogstklasse IV over til hkl. V når den årlege tilveksten i bestandet søkk til eit nivå under middeltilveksten rekna gjennom heile levetida til bestandet.
Ved skogtaksasjon vert skiljet mellom hogstklassane definert etter trealder, varierande etter bonitet:
| Bonitet | H.kl. II | H.kl. III | H.kl. IV | H.kl. V |
|---|---|---|---|---|
| G/F20 | 1 | 20 | 45 | 70 |
| G/F17 | 1 | 25 | 55 | 80 |
| G/F14 | 1 | 30 | 60 | 80 |
| G/F11 | 1 | 35 | 70 | 100 |
| G/F8 | 1 | 45 | 75 | 110 |
Kjelder
endre- Handbok for planlegging i skogbruket, Landbruksforlaget 1987 ISBN 82-529-1139-0