Horseshoe Bend National Military Park
- For andre tydingar av oppslagsordet, sjå Horseshoe Bend.
Horseshoe Bend National Military Park er ein militær nasjonalpark ved Tallapoosa-elva i Alabama i USA. Han blei oppretta i 1956 til minne om slaget ved Horseshoe Bend i 1814, under Creek-krigen. Slaget stod 27. mars mellom ein milits leidd av general Andrew Jackson, med støtte frå 39th U.S. Infantry Regiment, cherokeefolk og Lower Creek-muskogeefolk mot Upper Creek-gruppa Red Sticks. Slaget var det siste store i Creek-krigen, og førte til tap av makt og landområde for muskogeefolka.
| Horseshoe Bend National Military Park | |||
| verneområde | |||
 Kampstaden ved Horseshoe Bend, som i 1814 var skogkledd.
| |||
| Land |  USA
| ||
|---|---|---|---|
| Stat | Alabama | ||
| Stad | Tallapoosa County i Alabama | ||
| - koordinatar | 32°58′15″N 85°44′18″W / 32.97083°N 85.73833°W | ||
| Areal | 8,26 km² | ||
| Grunnlagd | 25. juli 1956 | ||
 Horseshoe Bend National Military Park 32°58′15″N 85°44′18″W / 32.9708°N 85.7383°W | |||
| Wikimedia Commons: Horseshoe Bend National Military Park | |||
Slaget fann stad ved ein barrikade Red Sticks-krigarane hadde bygga for å verna landsbyen sin, Tohopeka. Over 800 Upper Creek-folk døydde under slaget på heimeområdet sitt. Dette er det største tapet av liv blant urfolk i eit enkelt slag i USA-amerikansk historie.[1] Red Sticks-leiaren Menawa blei såra, men overlevde.
9. august 1814 skreiv muskogeefolka under på Fort Jackson-traktaten, som overførte 23 millionar acre (93 000 km2) land til styresmaktene i USA. Delar av dette området blei gjort om til delstaten Alabama i 1819. Resten tilhøyrer no Georgia. Andrew Jackson blei ein krigshelt som seinare blei vald til president i USA.
Kjelder
endre- ↑ «Horseshoe Bend National Military Park». National Park Service. Henta 1. mars 2008.
- History & Culture, nps.gov
- Denne artikkelen bygger på «Horseshoe Bend National Military Park» frå Wikipedia på engelsk, den 25. april 2014.
Bakgrunnsstoff
endre- Horseshoe Bend National Military Park. Offisiell nettstad.
- The Battle of Horseshoe Bend: Collision of Cultures Arkivert 2014-06-23 ved Wayback Machine., NPS.gov