Huseby i Trondheim

Huseby er ein bydel sørvest i Trondheim som grensar til Flatåsen i nord, Kolstad og Saupstad i aust og Bymarka i sør og vest. Namnet kjem frå eit gamalt gardsbruk i området som no vert nytta til andre føremål.

Bydelen er i all hovudsak eit bustadområde med rekkjehus og einebustader. Huseby barnehage ligg på Huseby slik namnet tilseier, medan Huseby skole, Husebyhallen og Husebybadet ligg på Saupstad.

Bustadområda på Huseby heiter:

• Husebyvegen
• Nordre Husebytun
• Søndre Husebytun
• Vestre Husebytun
• Nordbakken
• Husebyhøgda

Huseby ligg administrativt i Heimdal bydel. Før kommunesamanslåinga i 1964 var området ein del av Leinstrand kommune.