Japanese Antarctic Research Expedition
(Omdirigert frå JARE)
Japanese Antarctic Research Expedition (JARE) var ei rekkje japansk ekspedisjonar til Antarktis. Under ekspedisjonane vart det oppretta ei rekkje forskingsstasjonar.
Den første ekspedisjonen oppretta Syowa Station i januar 1957 på Aust-Ongul i Luzow-Holmbukta i Dronning Maud Land. Dei utførte fleire flyturar over området og namngav fleire detaljar i terrenget her. Nokre av desse namna har sidan vorte omsette til norsk, men fleire av detaljane her har framleis japanske namn.
Mizuho Station vart oppretta i juli 1970 inne på innlandsisen, kring 270 km søraust for Syowa. Denne stasjonen vart lukka i 1987.
I desember 1984 vart Asuka Station oppretta på isdekket nord for Sør-Rondane. Dome Fuji Station vart oppretta i 1995.