Jacob Andreas Michelsen
Jacob Andreas Michelsen (17. august 1821–12. oktober 1902) var ein norsk handelsmann og politikar frå Bergen. Han var far til Christian Michelsen.
| Jacob Andreas Michelsen | |
| Statsborgarskap | Noreg |
| Fødd | 17. august 1821 Bergen |
| Død |
12. oktober 1902 (81 år) |
| Yrke | politikar, forretningsdrivande |
| Språk | norsk |
Michelsen var son til ein kjøpmann og dreiv sjølv handel i heimbyen, mellom anna med korn og vin. Han var vedvarande medlem i bystyret 1855-82, ordførar i 1865-66 og på ny 1876-78. I Bergen by elles hadde han ei rad styreverv så som i Bergenske Dampskibsselskap, Selskabet for de norske Fiskeriers Fremme, Det Norske Theater og Det dramatiske selskab, samt avdelingsformann i Selskabet til Videnskabelighedens Fremme.
Både i 1868-69 og treårsbolken 1871-73 var Michelsen ein av Bergens fire stortingsrepresentantar, alle sesjonane som medlem av Protokollkomiteen. I tillegg til stortingsvervet var han medlem i den kongelege skattekommisjonen av 1869, dessutan i den svensk-norske konsulatkomiteen 1875.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Jacob Andreas Michelsen NSD Norsk senter for forskningsdatas politikararkiv