Jean-Jacques Dessalines
Jean-Jacques Dessalines (fødd 20. september 1758 på Gullkysten [no Ghana], død 17. oktober 1806) var leiaren for den haitiske revolusjonen og utnemnde seinare seg sjølv til keisar av Haiti under namnet Jacques I.
| Jean-Jacques Dessalines | |||
 | |||
| Fødd | 20. september 1758 | ||
|---|---|---|---|
| Fødestad | Plaine-du-Nord | ||
| Død | 17. oktober 1806 | ||
| Dødsstad | Port-au-Prince | ||
| Ektefelle | Marie-Claire Bonheur | ||
| Barn | Jacques Dessalines | ||
Dessalines freista å oppretthalde drifta på sukkerplantasjane som var viktige for den haitiske økonomien utan bruk av slaveri. Dette vart svært upopulært hjå arbeidarane. Han kravde at alle svarte anten skulle jobbe på plantasjane eller tenestegjere som soldatar i hæren hans. Han gjorde det ulovleg for dei kvite (mesteparten av den kvite folkesetnaden hadde allereie flykta frå Haiti) å eige eigedom og inndrog eigedom med makt. Målet hans var å sentralisere mesteparten av sukkerproduksjonen slik at anten han sjølv, medhjelparane hans, eller staten fekk kontroll over den. Då han kom til makta kravde han at alle kvite franskmenn på Haiti skulle massakrerast.
Under styret hans vart Haiti delt inn i to leirar, den svarte folkesetnaden som budde på landsbygda og mulattane, som var ljosare i huda, levde i byane og dominerte i politikk og næringsliv.
Han vart offer for ein konspirasjon der både Henri Christophe og Alexandre Pétion, som skulle kome til å etterfølgje han, medverka.
Nasjonalsongen til Haiti, «La Dessalinienne», er oppkalla etter han.
Kjelder
endre- «Jean-Jacques Dessalines» på Wikipedia på bokmål]], innhenta 17. januar 2010.
Bakgrunnsstoff
endre- The Louverture Project Arkivert 2008-08-21 ved Wayback Machine.: Jean-Jacques Dessalines Arkivert 2006-08-27 ved Wayback Machine. (engelsk)