Jens Glatved

Jens Glatved (26. januar 1792–27. juni 1837) var ein norsk lærar, prest og stortingsmann.

Jens Glatved
Statsborgarskap	Noreg
Fødd	26. januar 1792 Norderhov
Død	27. juni 1837 (45 år) Vestby kommune
Yrke	prest, politikar
Språk	norsk
Religion	Den evangelisk-lutherske kyrkja

Glatved var fødd i Norderhov, der far hans var prest. Sjølv vart han student i 1812. Deretter var han tre år huslærar i Danmark, og sidan tre år styrar av ein privatskule i Drøbak. I 1825 vart han cand. theol. og sokneprest i Gildeskål. År 1834 vart han sokneprest i Vestby.

I 1833 representerte Glatved Nordlands amt på Stortinget. Han var sekretær i trykkekomiteen.

Glatved døydde i Vestby i 1837.

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Jens Glatved NSD Norsk senter for forskningsdatas politikararkiv