Jimmy Shand
James Shand MBE (28. januar 1908–23. desember 2000) var ein skotsk musikar som spelte tradisjonell skotsk dansemusikk på trekkspel.[1] Han var kjend for signatursongen «The Bluebell Polka».
| Jimmy Shand | |||
.jpg) | |||
| Fødd | 28. januar 1908 | ||
|---|---|---|---|
| Fødestad | East Wemyss | ||
| Død | 23. desember 2000 (92 år) | ||
| Opphav | Storbritannia, Det sameinte kongeriket Storbritannia og Irland | ||
| Instrument | trekkspel | ||
| Plateselskap | Parlophone | ||
| Verka som | musikar | ||
| Prisar | medlem av Den britiske imperieordenen, Knight Bachelor | ||
Liv og karriere
endreJames Shand var fødd i East Wemyss i Fife som son av ein pløyemann som blei kolgruvearbeidar. Han var ein av ni born.[1][2] Familien flytta snart til Auchtermuchty. Denne byen har no ein stor statue av Shand. Far hans var ein dyktig melodeon-spelar. Jimmy byrja spela munnspel, og byrja så å spela fele. Som 14-åring måtte han forlata skulen og byrja arbeida i gruva. Han spelte på sosiale tilstellingar og i tevlingar. Begeirstinga hans for motorsyklar blei til ein fordel då han kunne spela ved arrangement i heile Fife. I 1926 spelte han ved ein støttekonsert for streikande gruvararbeidarar, og etter dette fekk han ikkje arbeid i gruver meir. Ein dag var Shand og ein ven i Dundee og såg instrument i ein musikkbutikk. Shand gjekk inn og prøvespelte eit trekkspel. Eigaren, Charles Forbes, høyrde Shand spela og tilbaud han ein jobb som omreisande seljar og kredittinnkrevjar.[1] Han kjøpte seg snart ein varebil, og køyrde rundtom i Nord-Skotland. Han gjekk over til britisk kromatisk knappetrekkspel, eit instrument han heldt seg til resten av livet.
Kjelder
endre- ↑ 1,0 1,1 1,2 Colin Larkin, red. (2002). The Virgin Encyclopedia of Fifties Music (3. utg.). Virgin Books. s. 387. ISBN 1-85227-937-0.
- ↑ «Obituary: Sir Jimmy Shand».
- Denne artikkelen bygger på «Jimmy Shand» frå Wikipedia på engelsk, den 29. desember 2023.
