Johan Augustinussen

Johan Augustinussen (10. mai 1808–22. november 1888) var ein lærar og stortingsmann frå Nesna i Nordland.

Johan Augustinussen
Fødd	10. mai 1808 Nesna kommune
Død	22. november 1888 (80 år)
Statsborgar av	Noreg
Yrke	politikar, lyrikar, omgangsskolelærer, klokkar
Alle verv	stortingsrepresentant (1848–1850) vararepresentant til Stortinget (1842–1844) stortingsrepresentant (1851–1853) stortingsrepresentant (1854–1856) stortingsrepresentant (1857–1858) stortingsrepresentant (1859–1861) stortingsrepresentant (1862–1864) stortingsrepresentant (1865–1867) stortingsrepresentant (1868–1870) ordførar i Nesna (1838–1848) ordførar i Nesna (1850–1854)

Augustinussen var son til ein gardbrukar på garden Langset i Nesna. Frå 1830 til han døydde var han lærar og kyrkjesongar i heimbygda. Han var den første ordføraren i Nesna frå 1838 til 1848, på ny ordførar 1850-54. Elles var han kommunekasserar frå 1840, postopnar i 14 år og medlem av forlikskommisjonen i 49 år.

Augustinussen representerte Nordlands amt på Stortinget frå 1848 til 1869. 1848-1857 og 1859-60 var han medlem av kyrkjekomiteen, 1862-63 og 1868-69 av kyrkjekomite nr 2. Han var òg medlem av jarnbanekomiteen 1851, 1857 og 1868-69, av valkomiteen 1854-1869 og av fullmaktskomiteen 1859-1869. Dessutan medlem av finanskomiteen på omframstortinget 1858, komiteen om den danske-tyske krig på omframstortinget i 1864 og av næringskomite nr 1 i 1865-66. Grunna sjukdom var han i 1854 permittert frå den 15. mai.

Han var medlem av Lofotkommisjonen av 1855 og av kommisjonen om dei nordlandske handelstilhøva i 1859.

Augustinussen døydde i heimen sin i Nesna i 1888.

Kjelder

• Lindstøl, Tallak: Stortinget og Statsraadet 1814-1914. Kristiania, 1914